Berisha: Gledis Nano u shkarkua pasi po hetonte vëllanë e Ramës dhe Çuçin

Kryetari i Partisë Demokratike, Sali Berisha ka reaguar në lidhje me shkarkimin e Gledi Nanos nga posti i Drejtorit të Përgjithshëm të Policisë.

Përmes një reagimi në rrjetet sociale, Berisha shprehet se Nano është shkarkuar, pasi po bashkëpunonte në hetimet që kishin të bënin me vëllanë e kryeministrit Edi Rama dhe ministrin e Brendshëm, Bledi Çuçi.

Sipas kryedemokratit, Nano po hetonte çështjen në të cilën qytetarë gjermanë humbën miliona euro në skemë mashtrimi në call center në Tiranë, me të cilën kishte lidhje Olsi Rama, vëllai i kreut të qeverisë.

Berisha theksoi se Nano me autoritetet italiane zbuluan se ngarkesa e fundit prej 2,2 ton kanabis është transportuar me anije të klubit të velave, që sipas tij, është në pronësi të familjes së ministrit Çuçi.

Gledis Nano u shkarkua këtë të mërkurë nga posti i Drejtorit të Përgjithshëm të Policisë.

Lajmi u bë i ditur nga ministri i Brendshëm Bledi Çuçi pas mbledhjes së qeverisë.

Për momentin detyrat e Drejtorit të Përgjithshëm të Policisë, do i ushtrojë nën-Drejtori i Përgjithshëm, Tonin Vocaj.

LEXONI GJITHASHTU

• Ervis Martinaj ka të infiltruar brenda RENEA-s, thotë gazetari Poli Hoxha
• Gazetari: Çështja e Ervis Martinajt, kulmi i përplasjeve mes Gledis Nanos dhe Ramës
• Ngjarjet që rrëzuan Gledis Nanon, 10 muajt në krye të Policisë së Shtetit