Në prag të dhunimit, Antoneta Koçi rrëfen ngjarjen: Nuk doja të kuptonte frikën time
Pas rastit të abuzimit seksual me 11-vjeçaren në Prishtinë, opinioni publik ka reaguar. Personazhe të njohur përveçse kanë ngritur zërin kanë ndarë dhe historitë e tyre personale.
Konkretisht, këngëtarja Dafina Zeqiri pohoi se ka qenë e abuzuar seksualisht, ndërkohë moderatorja Antoneta Koçi tregoi në Euronews Albania se është ngacmuar dhe ka qenë në prag të dhunimit, por fatmirësisht ka mundur të vrapojë dhe ka shpëtuar.
Koçi u shpreh se ngjarja ka ndodhur verën e vitit të kaluar në Parkun e Liqenit kur një person filloi të ecte krah saj duke e ngacmuar vazhdimisht edhe pse ajo i kërkonte të largohej.
“Në një moment e gjeta veten në një situatë ku mendova shumë lloj skenarësh dhe asnjëri prej tyre fatmirësisht nuk ndodhi sepse unë arrita të vrapoj shumë shpejt dhe fatmirësisht më doli një çift përpara. Në një moment fillova të dëgjoj disa hapa. Aty ku po kaloja, në një rrugicë, nuk kishte fare njerëz në një moment dhe fillova të dëgjoj një person që po vraponte, po mu duk diçka e dyshimtë. Gjithsesi ai personi filloi të ulte shpejtësinë derisa filloi të ecte normalisht krah meje. Filloi të bënte ngacmime të ndryshme, unë normalisht shumë serioze ju ktheva që ‘të lutem vazhdo rrugën sepse nuk dua të të flas, kam problemet e mia’ e gjëra të tilla, ai vazhdonte komunikonte me mua dhe vazhdonte të bënte ngacmime,” – tregoi Antoneta për Euronews Albania.
Ajo rrëfeu se vazhdimisht po bënte telefonata, por e kishte të vështirë të shpjegonte vendndodhjen e saj, ndërsa në të njëjtën kohë refuzonte t’i linte të kuptuar personit që po e ngacmonte se kishte frikë apo e kishte kapur paniku.
“Ruajta qetësinë deri në momentin që ai filloi të tregohej problematik, sepse erdhi mu afrua, më kapi nga supet dhe tentoi të më puthte, në atë moment pastaj unë fillova të vrapoj me sa fuqi kisha deri në momentin që pash një çift dhe ju bashkova atyre,” – rrëfeu Antoneta.
LEXONI GJITHASHTU:
Lamallari për ngjarjen në Maliq: Do të bëhet vlerësim i plotë dhe do të merren masat e duhura
SPAK shpall pretencën për një fraksion të dosjes “Revanshi”, kërkon 98 vjet burg për 7 të pandehur
Autobusi i linjës Durrës-Spitall përfshihet nga flakët në lëvizje
- 12:37 Vuçiç konfirmon se do të shkojë në Mal të Zi për samitin BE-Ballkani Perëndimor
- 12:13 Lamallari për ngjarjen në Maliq: Do të bëhet vlerësim i plotë dhe do të merren masat e duhura
- 12:12 SPAK shpall pretencën për një fraksion të dosjes “Revanshi”, kërkon 98 vjet burg për 7 të pandehur
- 12:10 Autobusi i linjës Durrës-Spitall përfshihet nga flakët në lëvizje
- 12:05 Zvërneci përplas PS-PD në Kuvend, Bido: Ku ishit më 30 maj, pse nuk folët?! Balliu: Ju folët vetëm pse doli videoja
- 11:55 Strazimiri përplaset me Lëvizjen Bashkë për protestën: 70% e qytetarëve ishin demokratë