Kush do e drejtoj grupin e PD-së? Sula: Në krye Alibeaj, s’jemi kundër Berishës

Deputeti i PD-së Dashnor Sula, tha se grupin parlamentar të PD-së do e drejtojë Enkelejd Alibeaj.

Në një intervistë për Euronews Albania Sula, theksoi se ata nuk janë kundërshtar të Sali Berishës, por qasjet politike për drejtimin e PD-së janë të ndryshme

“Grupi parlamentar i PD do të jetë vazhdimësi nga aktiviteti i tij dhe sigurisht Alibeaj është kryetar i grupit parlamentar  në detyrë.     Kreu i grupit parlamentar është Enkelejd Alibeaj.  Ne nuk jemi kundërshtar të Berishës, apo të PD-së, por kemi qasja të ndryshme për mënyrën e drejtimit të PD-së. “- tha ai.

Ai theksoi se rruga që ndoqi PD pas datës 25 prill kur humbi zgjedhjet ishte  një rrugë pa krye.

Ndër të tjera deputeti nënvizoi se Berisha nuk rregulloi gjë pas 9 shtatorit ndërsa shtoi se Basha nuk i ka pasur duart e zgjidhura, nuk ka pasur vendimarrje totale para 9 shtatorit.

Për Sulën sot Rama është në një moment që nuk arsyeton më, për shkak të dobësisë të opozitës.

Lexoni gjithashtu:

Spartak Ngjela: Berisha nuk vjen në pushtet me votë, kërkon krizë politike

“2.2 tonë drogë drejt Italisë me varkë me vela”, Berisha tregon pse iku Gledis Nano