Fasonët 4 kërkesa autoriteteve, në 3 muaj pandemi 130 milionë euro humbje

Fasoneritë janë ndër sipërmarrjet më të prekura nga pandemia COVID-19. Rreth 22 mijë, nga 70 mije punonjësit që janë të punësuar në total, janë larguar nga puna, duke shkaktuar dhe numrin më të madh të humbjeve për punësim në vend. Përfaqësuesit e shoqatës “pro Export Albania” i drejtohen autoriteteve me një listë prej 4 kërkesash.

• Ritrajtim dhe rikonceptim të kritereve të funksionimit të dy instrumenteve kredi me graranci sovrane;
• Realizimi i një programi mbështetës afatmesëm nga buxheti i shtetit, i financuar pjesërisht me grande dhe kredi të butë, për sipërmarrjet që kanë nevojë;
• Të gjitha kontratat që do të lidhen për plotëismin e nevojave për produkte veshjesh dhe këpucësh, të tenderohen ose negociohen vetëm me ndërmarrje prodhuese shqiptare;
• Kompensime të shpenzimeve mujore, që kapin kosto 5 mijë lekë në muaj për punëtorë;

Vetëm në periudhën prill qershor 2020, eksportet e këtyre biznese, që janë rreth 700 në total në gjithë vendin, ranë me 44 për qind, duke shkaktuar një humbje prej 130 milionë euro, kontrata të bllokuara apo të parealizuara si dhe stoqe të pashitura.