Gjendet makina e autorëve, detaje nga atentati ndaj 2 policëve në Vlorë

Detaje të reja kanë dalë nga atentati me armë zjarri ndaj 2 policëve mbrëmjen e së premtes në Vlorë.

Gazetarja Ebrieta Maçaj raporton se policia ka gjetur makinën e autorëve që qëlluan dje me armë zjarri ndaj makinës së efektivëve.

Ndërkohë vijojnë kërkimet për kapjen e autorëve.

Mësohet se makina është gjetur në afërsi të vendit të ngjarjes, ku dyshohet se personat që kanë qëlluar, të trembur kanë lënë automjetin dhe janë larguar.

Atentati në Vlorë:

Autorët qëlluan në drejtim të makinës së efektivëve, pasi menduan se mund të ishte një atentat, pasi mjeti me të cilin lëviznin efektivët ishte pa targa dhe me xhama të zinj.

Autorët e ngjarjes lëviznin me një mjet “Passat”, i cili është me targa të rregullta.

Efektivët Anxhelo Breshani dhe Narko Mehmetaj po ktheheshin nga palestra, në momentin kur janë sulmuar me armë zjarri.

Sipas të dhënave paraprake, efektivët nuk njihen me personat që i kanë qëlluar.

LEXONI GJITHASHTU:

• Makina e policëve pa targa, autorët dyshuan për atentat, detaje nga ngjarja në Vlorë
• EMRAT| Kush janë efektivët që ranë pre e atentatit në Vlorë
• Makina u qëllua në ecje, dinamika e atentatit ndaj policëve në Vlorë