Parlamenti po kujdeset që krimi të kapë ekonominë, thotë Berisha

“Ka një kujdesje të veçantë që të sanksionohet me ligj ekonomia e krimit në Shqipëri apo krimi të kapë ekonominë shqiptare.”

Kështu u shpreh kryetari i Partisë Demokratike, Sali Berisha në ditën e parë të fillimit të sesionit të ri parlamentar.

Në një deklaratë për mediat jashtë ambienteve të parlamentit, Berisha deklaroi se qytetarët shqiptarë do arrijnë t’i japin përgjigjen e merituar qeverisë.

“Ligji për aminisinë fiskale, për të cilin flet me të madhe Edi Rama, ligjin që do ta kalojë, ligjin për dhunimin e mediave, ishte në rend dite paketa e mediave, ligji për kanabisin. Ka një kujdesje të veçantë që të sanksionohet me ligj ekonomia e krimit në Shqipëri, apo krimi të kapë ekonominë shqiptare. Mendoj se qytetarët shqiptarë do arrijnë t’i japin përgjigjen e merituar kësaj mazhorance në tërësi, parlamentit dhe qeverisë”, theksoi kryedemokrati.

LEXONI GJITHASHTU

• Berisha: Opozita më e fuqishme se ndonjëherë, Rama i ka orët e numëruara

• Berisha: Parlamenti problem për vendin, shqiptarët vidhen me bordet komuniste