Mezani: Dokumentet e Perandorisë Osmane zbulojnë të fshehtat e epokës së Skënderbeut

Osmanologu, Rezart Mezani thotë se 1 milion dokumentet e Perandorisë Osmane për Shqipërinë, të cilat tanimë ndodhen prej disa ditësh në arkivin e shtetit, do të përkthehen në shqip dhe do t’i paraqiten publikut.

Në emisionin “Now” në “Euronews Albania”, Mezani u shpreh se në këto dokumenta mund të shihen të gjitha zhvillimet në rajon që kanë ndodhur në atë kohë si dhe zbulojnë të fshehtat e periudhës së Skëndërbeut.

“Në arkivin osman të Stambollit numërohen 100 milionë dokumenta, ne jemi pjesë e këtyre dokumentave. Rëndësia e këtyre dokumentave është sepse janë dokumenta të një shteti në të cilin ne kemi qenë pjesë, tregojnë të gjitha zhvillimet që ka pasur rajoni, si ka qenë politika shtetërore.

Mund të shohim edhe zhvillimet e shqiptarëve brenda këtij territori. Kanë nevojë të përpunohen. Këto dokumente janë përpuruar njëherë nga arkiva e Stambollit, e kanë kaluar një fazë. Ajo që ne duhet të bëjmë është që ne t’i kthejmë në shqip, t’i përkthejmë dhe t’ia paraqesim publikut”, theksoi ai.

LEXONI GJITHASHTU

• Ilir Meta nxjerr dokumentet: Kush është I.M dhe lidhja me Filip Talon
• ‘Dosja Trump’, një ekspert i specializuar do të analizojë dokumentet