Sulmi kibernetik, Tabaku: Qeveria tregton sigurinë kombëtare për përftime politike

Deputetja e PD-së Jorida Tabaku, ka reaguar pas lajmin që dha pak më parë kryeministri Edi Rama, se Shqipëria do të ndërpresë marrëdhëniet diplomatike me Iranin, i cili qëndron pas sulmit kibernetik ndaj institucioneve publike online.

Në një postim që ka bërë në rrjetet sociale, shkruan se sulmi kibernetik që përjetoi Shqipëria gjatë verës është një dëshmi e qartë se sa të pambrojtur jemi dhe është çështje e Sigurisë Kombëtare.

Për deputeten demokratike është papërgjegjshmëria e qeverisë që e ka bërë Shqipërinë një objektiv të lehtë, ndërsa siguria e të dhënave personale tregtohet për përfitime politike.

“Miliona dollarë janë shpenzuar nga Qeveria në sigurinë kibernetike, ndërsa rezultatet ende nuk janë treguar.  Dikush përgjegjës? Parlamenti duhet të informohet plotësisht për atë që ka ndodhur dhe masat e ndërmarra nga qeveria për rritjen e sigurisë në të ardhmen! Në këtë epokë shumë të dixhitalizuar, Shqipëria, anëtare e NATO-s, nuk mund të lejojë të mos veprojë. “- shprehet Tabaku në një postim në Facebook.

Ajo shton se shqiptarët kanë përjetuar 3 rrjedhje të të dhënave personale për shkak të përdorimit të qeverisë për qëllime elektorale duke shtuat se kjo ka hapur një portë mosbesimi që mund të përdoret lehtësisht nga kriminelët dhe subjektet kibernetike.

“Papërgjegjësia e qeverisë e ka bërë Shqipërinë një objektiv të lehtë, ndërsa Siguria Kombëtare tregtohet për përfitime politike.”- shprehet ndër të tjera deputetja.

LEXONI GJITHASHTU: 

• Rama ultimatum diplomatëve iranianë: Largohuni brenda 24 orëve
• Ngrijnë marrëdhëniet diplomatike me Iranin, Rama: Sponsorizoi sulmin kibernetik