Irani do kundërpërgjigjet, Haxhiu: Shqipëria kurrë s’ka qenë më e rrezikuar se tani

Analisti Baton Haxhiu thotë se pas vendimit për dëbimit të diplomatëve iranianë e fut Shqipërinë në grupin e vendeve që urrehen nga Irani.

Në një intervistë për Euronews Albania ai tha se Shqipëria asnjëherë nuk ka qenë më e rrezikuar nga terrorizmi se tani.

“Duhet të jemi të kujdesshëm, iranianët nga aspekti i krenarisë e ngrenë në piedestal krenarinë e tyre. Pas vendimit të fundit, kemi hyrë në grupin e vendeve që urrehemi nga Irani. Kërcënimi mund të jetë i çfarëdollojshëm. Iranianët janë të pamëshirshëm në hakmarrjen e tyre. NATO dhe SHBA prek këtij momenti duhet të ketë kujdes të veçantë tani për banorët e Shqipërisë, për muxhahedinët, për hyrje-daljet në portin e Durrësit, aeroport, hyrjet nga Kosova dhe RMV. Ky është një moment i veçantë për SHBA dhe sigurinë në Shqipëri. Shqipëria kurrë s’ka qenë më e rrezikuar nga terrorizmi se tani”, tha Haxhiu.

LEXONI GJITHASHTU:

• Rama ultimatum diplomatëve iranianë: Largohuni brenda 24 orëve
• ‘Irani do të mbajë përgjegjësi’, SHBA reagon për sulmin kibernetik ndaj Shqipërisë