Bushati: Është ulur numri i ndërtimeve pa leje, institucionet s’kanë bërë punën

Ish-deputeti i PS, Ervin Bushati, është shprehur se numri i ndërtimeve pa leje në vendin tonë është ulur.

Në emisionin “Now” në Euronews Albania, Bushati tha se Kryeministri Edi Rama, e ka pasur si betejë uljen e ndërtimeve pa leje, ndërsa shton sërish është i pakënaqur me punën e bërë nga institucionet për të ndaluar këtë fenonem.

“Pas hapjes së Shqipërisë në 1990 dhe ndërtimi dhe shtëpitë private u shumëfishuan, nga një ekonomi tërësisht e planifikuar filloi të bëhej një bum i madh ndërtimesh nga të gjitha anët. Rama e ka pasur këtë betejë për t’i ndaluar në një kohë kur askush nuk fliste.  Janë ulur shumë ndërtimet pa leje. Ka një ndryshim shumë në Shqipëri, sidomos në qytete. Megjithatë ka prapë ndërtime pa leje, nuk janë ato që kanë qenë. Megjithatë Rama është i pakënaqur me mënyrën se si vazhdojnë.“- tha Bushati.

Më tej Bushati nënvizoi se shumë nga institucionet kanë dështuar për të parandaluar ndërtimet pa leje.

LEXONI GJITHASHTU: 

• ‘Ku ishte shteti?’ Rama u pëgjigjet kritikëve për konfiskimin e objekteve pa leje