Zbulohet vendbanimi 7800 vjeçar në afërsi të rrugës Pogradec-Drilon

Një tjetër vendbanim prehistorik, krahas atij të Buqezës, është zbuluar në afërsi të rrugës Pogradec-Drilon.

Një ekip arkeologësh të Institutit të Arkeologjisë, në bashkëpunim me studentë të arkeologjisë nga Maqedonia e Veriut, Serbia, prej pak ditësh kanë nisur në këtë zonë gërmimet.

Sipas drejtueses shkencore të projektit, arkeologes Edlira Andoni, kemi të bëjmë me një vendbanim i cili i përket periudhës së Neolitit të hershëm, rreth 7800 vjeçar, pra më i hershëm se vendbanimi i tipit “palafit” në Buqezë.

Tipologjia e ndërtesave në të është mjaft e veçantë, sipas arkeologëve kemi të bëjmë me ndërtesa të cilat kanë qenë deri në dy kate, ndërsa vendbanimi mendohet të ketë pasur një sipërfaqe rreth 2 hektarë.

LEXONI GJITHASHTU: 

• Në kërkim të ‘Palafitit’, arkeologët në vendbanimin 7500-vjeçar në Pogradec
• ‘Butrinti si mall tregu’, arkeologu: Pse e kaluan te Komisioni i Ekonomisë?
• Amfiteatri i Durrësit me koncesion, arkeologu: E vështirë që plani të zbatohet