Ndërkombëtarët përshëndesin votimin e marrëveshjes me sytë nga 30 korriku

Miratimi me 99 vota pro i marrëveshjes së 5 qershorit është përshëndetur gjerësisht në arenën ndërkombëtare. Pas SHBA dhe OSBE, edhe Bashkimi Evropian ka mirëpritur miratimin në parlament të ndryshimeve në Kodin Zgjedhor në respekt të marrëveshjes politike të 5 qershorit.

Zëdhësja e KE, Ana Pisonero përmes një deklarate shprehet se parashikimet e reja ligjore, do t’i japin Shqipërisë një kornizë elektorale me standarde me të larta të integritetit dhe transparencës, bazuar në rekomandimet e OSBE-ODIHR

“Duke njohur rolin e parlamentit për të çuar përpara ndryshimet shtesë sa i përket sistemit elektoral, i bëjmë thirrje të gjitha partive të vijojnë diskutimet në Këshillin Politik me te njëjtën frymë bashkëpunimi të treguar për marrëveshjen e 5 qershorit”, – thuhet në deklaratën e BE.

Ndërkohë, ambasadori i Bashkimit Evropian në vendin tonë, Luigi Soreca përmes një postimi në Twitter shprehet se miratimi i marrëveshjes së 5 qershorit përmbush një nga kushtet kryesore për të filluar negociatat e anëtarësimit në BE

“BE mirëpret miratimin nga Parlamenti të ndryshimeve në Kodin Zgjedhor, në përputhje me marrëveshjen politike të arritur më 5 qershor. Kjo përmbush një nga kushtet kryesore për të filluar negociatat e anëtarësimit në BE, siç thuhet në konkluzionet e Këshillit të 25 marsit 2020”, shkroi në Twitter Luigi Soreca.

…..The new legislative provisions will give #Albania an electoral framework with higher integrity and transparency standards, based on OSCE/ODHIR recommendations.
We have taken note of the additional proposals for reform of the electoral system….2/4

— Luigi Soreca?? (@LSorecaEU) July 23, 2020

Komisioneri për Zgjerimin në Bashkimin Evropian, Oliver Varhelyi pasi përshëndet miratimin e marrëveshjes bën thirrje të gjitha partive të vijojnë diskutimet në mënyrë që fryma dhe rezultatet e marrëveshjes së 5 qershorit të mos prishen.

“E mirëpres miratimin e ndryshimeve të Kodit Zgjedhor, në respekt të marrëveshjes së 5 qershorit. Kjo përmbush një kusht kryesor të përfundimeve të Këshillit Europian”, shkruan në Twitter komisioneri për Zgjerimin.

Albania: I welcome the adoption of amendments to Electoral Code, in line w 5 June agreement. This fulfils a key condition of @EUCouncil conclusions. For any additional changes, I urge all parties to continue discussions, so spirit&results of 5 June agreement are not derailed.

— Oliver Varhelyi (@OliverVarhelyi) July 23, 2020

Edhe ambasadori gjerman në vendin tonë Peter Zingraf ka përshëndetur votimin e marrëveshjes, që siç shprehet është një hap i rëndësishëm në rrugën drejt Konferencës së Parë Qeveritare në kuadrin e bisedimeve të anëtarësimit në BE.

“Në pikën e reformës zgjedhore të vendimit të tij të shtatorit 2019, Bundestagu gjerman fliste për një ‘dialog të hapur, ku të përfshihen të gjitha forcat politike’. Vendimi i Bundestag-ut është njohur nga të gjitha institucionet politike shqiptare në vend si një ‘Roadmap‘ për kalendarin shqiptar të reformave.

Ndaj u bëj thirrje të gjithë aktorëve që në zbatim të marrëveshjes, por edhe në ndërmarrjen e të gjitha hapave të tjera, të vijojnë më tej me dialogun dhe gjithëpërfshirjen.

Reformat e thella në Kodin Zgjedhor sipas standardeve të OSBE-së dhe Komisionit të Venecias kanë nevojë për një përgatitje të thelluar të realizuar brenda një kohe të mjaftueshme dhe mund të kenë efekt prapaveprues mbi marrëveshjen e implementuar ligjërisht tanimë”, thuhet në deklaratën e ambasadorit gjerman. 

Lexoni githashtu:

Marrëveshja e 5 qershorit merr 99 vota, Rama: Në 30 korrik ndryshojmë Kushtetutën