Drejtori i Autoritetit të Aviacionit Civil: Sulmi kibernetik në Rinas ishte sabotim

Drejtori i Autoritetit të Aviacionit Civil, Maksim Et’hemaj thotë se sulmi kibernetik ndaj sistemit TIMS në aeroportin e Rinasit, ishte një sabotim.

Në një intervistë për “Euronews Albania”, Et’hemaj u shpreh se aviacioni civil kërkoi ngritjen e Komitetit të Koordinimit të Krizave për përballimin e situatës.

“Në aviacionin civil, ajo çka ndodhi me sistemin TIMS, klasifikohet me përkufizimin, sabotim. Çdo veprim me qëllim dhe rezultati i rmarrë si pasojë e këtij veprimi të qëllimshëm, e klasifikon ngjarjen në sabotim, pra është ngjarje në sabotim.

Në raste të tilla, në raste të sabotimit, aviaconi civil kërkon nga autoritetet vendore të ngrihet ajo që quhet Komiteti i Koordinimit të Krizave. Flitet për një situatë jo normale, jo të zakonshme. Ka pasur shkëputje normale të shërbimeve. Kur ne u njoftuam, u aktivizua Komiteti”, theksoi ai.

Ministria e Brendshme dhe Drejtoria e Kufirit dhe Migracionit kanë konfirmuar se sistemi TIMS në Aeroportin Ndërkombëtar “Nënë Tereza” është rikthyer totalisht në funksion gjatë mëngjesit të sotëm, pas punës që kanë kryer ekspertët e IT-së, së bashku me aleatët.

Kryeministri Edi Rama njoftoi mëngjesin e së shtunës se hakerat iranianë kanë sulmuar sistemin TIMS.

LEXONI GJITHASHTU

• Ministri Çuçi tregon se në cilat pika kufitare është rikthyer sistemi TIMS
• Sulmi kibernetik nga Irani, rikthehet në funksion sistemi TIMS në Rinas
• ‘Aktivitet dashakeqës’, SHBA-të reagojnë pasi Irani sulmoi sistemin TIMS në Shqipëri