“Kaskada e Drinit është keqmenaxhuar”, Balluku i përgjigjet akuzave të opozitës

Ministrja e Energjisë dhe Infrastrukturës Belinda Balluku, i është përgjigjur akuzave të opozitës se kaskada e Drinit është keqmenaxhuar.

E ftuar në emisionin “Now” në Euronews Albania, Balluku teksa ka treguar shifrat e konsumit, importit dhe prodhimit, tha se politikanët s’kanë kapacitet për të vlerësuar se a është keqmenaxhuar apo jo kaskada.

“Nuk e di se ça thotë opozita. Unë skam dëgjuar ndonjë ekspert deri ë sot të thotë se kaskada është keqmenaxhuar.  Unë nuk mendoj se politikanët kanë kapacitet për të vlerësuar nëse kaskada menaxhohet keq ose mirë. Në muajin janar konsumi ka qenë  549, 601 MW/ orë ndërsa prodhimi vendas ka qenë 416,425 dhe sasia e importuar ka qenë 137,750 MW/orë. “- tha Balluku.

LEXONI GJITHASHTU: 

• Qeveria ndez ‘gjeneratorët’, Balluku tregon strategjinë e qeverisë për krizën