Basha akuza qeverisë për ekonominë: Bizneset e vogla po ulin qepenat përditë

Kreu i Partisë Demokratike, Lulzim Basha ka vijuar akuzat në drejtim të qeverisë për keqmenaxhim të pandemisë, çka sipas tij solli mbylljen masive të bizneseve të vogla, duke lënë pa punë mijëra familjarë.

Me anë të një postimi në rrjetet sociale, kryedemokrati shprehet se plani ekonomik i PD ka në themel të tij mbështetjen dhe nxitjen e bizneseve të vogla si gjenerator të punësimit të shqiptarëve

“Një taksë e vetme sa 0.5% e xhiros, dhe do të heqim të gjitha taksat dhe tarifat lokale, për të luftuar informalitetin, për të rritur fitimin dhe për të nxitur punësimin.

Karantinimi i çdo inspektorati për 1 vit, deri në një reformë të vërtetë të standardeve europiane, do të zhdukë terrorin e bandave të inspektorateve dhe do të rivendosë dinjitetin dhe lirinë e sipërmarrjes”, shkruan kreu i PD.