Masat për energjinë, Teliti: Preket shtresa e mesme, ka abuzime në institucione

Eksperti i ekonomisë në PD, Dorian Teliti, i ka konsideruar qesharake masat e qeverisë për të ndërmarra pak ditë më parë për kursimin e energjisë elektrike.

Në një intervistë për Euronews Albania, Teliti theksoi se këto çmime të vendosura nga qeveria, godasin shtresën e mesme.

“Unë nuk e shoh planin e qeverisë si një plan kursimi. Është diçka qesharake. Ky çmim do të prekë shtresën e mesme. Përsa i përket 6% të ministres që preket vetëm 6% e konsumatorit shqiptarë, kjo nuk është e vërtetë. Kjo duhet të ishte lëvizja e fundit që duhej të bënte qeveria.”- nënvizoi Teliti.

Teliti tha se qeveria përpara se të merrte masa të tilla, fillimisht duhet të mbyllte abuzimet që janë bërë në institucionet e energjisë.

Tre korporatat e energjisë, janë në ambiente luksoze që I kanë bërë me tendera, të tërë ecin me makina luksoze të blera me buxhetin e  këtyre korporatav. Duhet të mbylleshin të gjitha rrjedhjet dhe abuzimet në këto institucionet dhe më pas të merreshin këto masa. “- theksoi Teliti.

LEXONI GJITHASHTU: 

• Ekskluzive/ Dështon atentati me snajper në Durrës, policia fsheh ngjarjen