Cana: Raportet Shqipëri-Kosovë më keq si asnjëherë më parë

Ish-ambasadori i Kosovës në Strasbur, Edon Cana, ka komentuar takimin e djeshëm mes liderëve Edi Rama dhe Albin Kurti në Tiranë, ku tha se Kosova dhe Shqipëria nuk i kanë pasur asnjëherë raportet më keq se sa sot.

Në një intervistë për Euronews Albania, Cana tha se ky përkeqësim marrëdhëniesh mes dy vendeve ka ardhur pas votimit të Kurtit në Shqipëri në zgjedhjet e 25 prillit.

“Kosova asnjëherë raportet me Shqipërinë nuk i ka pas më keq. Kjo nuk fillon me ‘Open Balkan’ por me pjesëmarrjen e Kurtit në zgjedhjet e përgjithshme. Ky është një cenim flagrant i sovranitetit. “- tha Cana.

Nga ana tjetër analisti Blerim Gashi, tha se edhe Edi Rama ka qenë i përfshirë në zgjedhjet e Kosovës, ndërsa shtoi se ka mbështetur drejtpërdrejt Hathim Thaçin.

“Rama i ka pasur publike darkat dhe drekat me eksponentë opozitar në Kosovë, i ka pasur publike Rama. Rama ka dhënë përkrahje të drejtpërdrejt për Thaçin. Rama në mënyrë flagrante por me fines ka qenë i përfshirë në zgjedhjet në Kosovë. “- tha Gashi.

Ditën e djeshme Kryeministri Kurti zhvilloi një takim me homologun e tij Edi Rama.

Në këtë takim dy liderët kanë folur për çështjet e politikave publike e qeveritare dhe socio-ekonomike në Kosovë e Shqipëri, me theks të veçantë në sfidat energjetike dhe shkëmbimin që po bëjnë KEK me KESH.

Hera e fundit kur janë takuar kryeministrat Kurti dhe Rama është mbledhja e përbashkët e dy qeverive, më 20 qershor.

LEXONI GJITHASHTU: 

• Zbulohet çfarë diskutoi Rama dhe Kurti në takimin e sotëm

• VIDEO| Momenti kur Kurti ndërpret konferencën për t’u nisur urgjent drejt Tiranës