‘Rekurs në Gjykatën e Lartë’, avokati Vishaj: S’ka prova që studentët janë spiunë

Avokati i ukrainasit Fedir Alpatov, Saimir Vishaj u shpreh se asnjë nga studentët e arrestuar për ngjarjen në uzinën e Gramshit nuk është spiun.

Ai tha se nuk asnjë fakt dhe prokuroria ka ndryshuar qëndrim. Vishaj nënvizoi pas seancës së sotme në Gjykatën e Apelit në Durrës se do i drejtohet me një rekurs Gjykatës së Lartë.

“Nuk ka fakt kriminal, të tre duhet të ishin të lirë sot. Asnjë vend në botë nuk merret me studentë që janë blogerë. Do i drejtohemi Gjykatës së Lartë me rekurs. Prokuroria ka ndryshuar qëndrim. Nuk përmendet as nga akuza që janë spiunë”, u shpreh ai.

Të martën Gjykata e Apelit në Durrës vendosi masën e sigurisë “arrest me burg” për dy rusët Mikhail Zorin, Svetlana Timofeeva dhe 33-vjeçarin ukrainas Fedir Alpatov.

Tre të huajt që akuzohen për spiunazh kundërshtuan vendimin e Gjykatës së Elbasanit, që i mbyllte në burg ata për akuzën e spiunazhit dhe “Goditjes për shkak të detyrës” ndaj dy ushtarakëve të Uzinën e Gramshit.

Ata iu drejtuan me një kërkesë gjykatës së Apelit në Durrës, duke kërkuar ndryshimin e masës së sigurisë nga “arrest në burg” në “detyrim paraqitje”, por kjo kërkesë iu është refuzuar.

LEXONI GJITHASHTU:

• Ngjarja e Gramshit/ Apeli i Gjykatës së Durrësit lë në qeli dy rusët dhe ukrainasin
• ‘Spiunët’ e Gramshit apelojnë Gjykatën e Elbasanit, nuk pranojnë akuzat
• Lihen në burg 2 rusët dhe ukrainasi të kapur në uzinën e Gramshit