Glauk Konjufca: Shqipëria të jetë në të njëjtën kornizë me Kosovën për Serbinë

Shqipëria të jetë në një linjë me Kosovën sa i takon qëndrimit për Serbinë.

Thirrjen e bëri në Tiranë, kryeparlamentari i Kosovës, Glauk Konjfca.

‘Ne dëshirojmë gjithmonë që me Shqipërinë të jemi brenda një kornize dhe brenda frekuencave të njejta sa i përket gjykimit të veprimtarisë së Serbisë në Kosovë dhe brenda Kosovës sepse republika e Kosovës nuk ka rrugë tjetër përvecse t’i mbrojë deri në fund interesat e veta shtetërore karshi Serbisë.

Ne jemi për paqe, ne jemi për dialog me Serbinë, mirëpo ne në të njejtën kohë ne nuk do të lëshojmë pe sa i përket interesave kushtetuese, nacionale të panegociueshme në republikës së kosovës”, u shpreh ai.

Teksa shprehu mbështetje për Kosovën në nismat e saj si dhe anëtarësimin në organizmat ndërkombëtare, Lindita Nikolla u ndalë tek rezoluta e miratuar nga parlamenti në Shqipëri për raportin e Dick Marty.

“Teksti i rezolutës i është përcjellë zyrtarisht Këshillit të Europës dhe i kemi kërkuar Asamblesë Kombëtare të Këshillit të Europës të rishikojë rezolutën 1782 e vitit 2011, të shpallen të pabazuara akuzat për trafikim të paligjshëm të organeve njerëzore gjatë luftës çirimtare të Kosovës”, theksoi ajo.

Të dy kryeparlamentarët firmosën memorandumin e bashkëpunimit me qëllim krijimin e një kuadri të përbashkët për mbështetjen e dy kuvendeve në rritjen e cilësisë së aktivitetit parlamentar.

LEXONI GJITHASHTU

• Atentati i planifikuar ndaj Kurtit, Haziri: Synohet destabilitet dhe kaos në Kosovë
• U planifikua atentat ndaj tij, deputeti i PDK: Nuk më është ofruar mbrojtje
• Plan për të vrarë Albin Kurtin, hakerat publikojnë dokumentin e njësisë anti-terror