Enkelejd Alibeaj: Ekziston dhe një mundësi e fundit që koalicionet të mos hiqen, por ajo varet nga qëndrimi i Ramës

Anëtari i kryesisë së Partisë Demokratike, Enkelejd Alibeaj tha për Euronews Albania se nga marrëveshja e 5 qershorit, plani i kryeministrit Edi Rama është të heqë koalicionet. Sipas tij  koalicionet janë një praktikë shumë mirë funksionale prej 30 vitesh.

Në 2013 Rama erdhi në pushtet përmes një koalicioni me LSI duke mundësuar rotacioni politik. PS në 2017 ka marrë 48 për qind të votave, ndërsa PD,  LSI, PDIU dhe të tjera parti kanë më shumë vota se PS.

Anëtari i kryesisë së Partisë Demokratike shtoi se ekziston dhe një mundësi e fundit që koalicionet të mos hiqen por ajo varet nga qëndrimi i kryeministrit.

“Mjafton që partitë që janë në koalicion të madh t’i mbajë të veçuara dhe deformon rezultatin zgjedhor. Ndaj edhe lëvizja e tij në parlament kërkohet të bëjë ndryshime të njëanshme, si ndryshimi i kushtetutës.

Sot në kodin zgjedhor kishim të përcaktuar termin koalicion zgjedhor me lista të përbëra dhe s’kemi pasur asnjë lloj problemi.

Rama e heq nga kushtetuta dhe thotë do ta vendos në kodin zgjedhor. Për një jurist është e qartë se kandidatët në zgjedhje mund të propozohen vetëm nga 2 lloj pushtetesh, shtetasit, partitë politike, jo nga koalicionet.

Si jurist e them se termi koalicion në kodin zgjedhor nuk duhet të ekzistojë derisa nuk ekziston në kushtetutë”, tha z. Alibeaj.