Deputeti Selmanaj tregon si u takua me të dyshuarin për atentat ndaj Kurtit

Qarkullon një foto e deputetit të LDK-së, Driton Selmanaj me snajperistin Prek Kodra i cili dyshohet se po planifikonte një atentat ndaj kryeministrit të Kosovës, Albin Kurti.

Në një intervistë për Euronews Albania, Selmanaj ka thënë se dyshimet e ngritura janë të drejta për aq kohë sa bëhet fjalë për një çështje me shumë të panjohura.

“Ka qenë fundi i vitit 2020 kur unë gjatë asaj kohë isha dhe në pozitën e zv. kryeministrit dhe gjatë kohës kur po udhëtoja për në shtëpi një mik i imi, i familjes time më thonë jemi me dy miq nga Shkodra dhe të lutem nëse ke kohë eja dhe na bashkohu,” – tregoi Selmanaj i cili sqaroi se takimi ishte bërë vetëm për të nderuar miqtë nga Shqipëria.

Ai tha se nuk dinte as emrin e tij dhe kur  është kontaktuar nga një media shqiptare ditën e djeshme ka kuptuar që bëhet fjalë për të njëjtin person.

Selmanaj u shpreh se takimi zgjati rreth 1 orë e gjysmë dhe nuk kanë pasur më asnjë takim apo kontakt.

LEXONI GJITHASHTU:

• Atentati i planifikuar ndaj Kurtit, Haziri: Synohet destabilitet dhe kaos në Kosovë