Financimi rus, Murrizi: Paratë s’janë ruse por të vjedhura, të nisin hetimet

Ish-deputeti Myslim Murrizi, teksa ka folur për financimin rus në PD tha se paratë nuk kanë lidhje me partinë.

Në një intervistë për Euronews Albania, Murrizi ndër të tjera deklaroi se paratë nuk janë të marra nga Rusia, por janë të vjedhura në Shqipëri.

“Nuk them se është lekë rus, por është lekë i pistë i marrë nga biznesmenë. Unë nuk besoj se Putin ka shok Luk Bashën, po të ishte kështu do i kërkoja falje Bashës. Duhet të nisin hetimet, janë para të vjedhura këtu. Deklarata e Ristanit që thotë nuk jam në dijeni, tregon që kjo është një marrëdhënie individuale mes Bashës, Qipros dhe Nik Muzinit. Përderisa Berisha thotë që Basha duhet të hetohet s’ka qenë në dijeni”- deklaroi Murrizi.

LEXONI GJITHASHTU: 

• Financimet ruse, Berisha: Basha më tha se ishin fonde nga diaspora, e besova
• Financimi rus në PD, Ristani: S’kam qenë në dijeni. Çfarë thotë statuti