Sulmi kibernetik nga Irani, Koçi: I pajustifikuar, synoi cenimin e sovranitetit

Deputeti i PS-së Petro Koçi u shpreh se sulmi kibernetik ndaj Shqipërisë ishte i pajustifikuar.

Në një intervistë për Euronews Albania, ai theksoi se si pasojë e sulmit, Shqipëria ka ndërprerë marrëdhëniet diplomatike me Iranin.

Sipas deputeti sulmi kibernetik ishte sulm ndaj sovranitetit të vendit tonë.

“Gjithmonë ka rreziqe. Është një fushë që ka shumë pikëpyetje dhe avantazhet e disavantazhet janë në natyrë teknologjike. Të katër agjencitë që kanë vepruar për të sulmuar sistemin tonë kibernetik kanë qenë sponsorizuara nga Irani.

Ky sulm ishte një sulm ndaj sovranitetit të Shqipërisë. Shqipëria nuk ka pasur interes të ndërpresë marrdhëniet diplomatike me Iranin apo me ndonjë vend tjetër. Ne u sulmuam në mënyrë të pajustifikuar prandaj dhe reaguam. Ne shfrytëzojmë në maksimum kapacitetin kibernetik që kemi sot e nga ana tjetër kemi një solidaritet nga SHBA-ja.

Është konsideruar si një sulm për NATO-në sepse Shqipëria është anëtare e NATO-së”- tha Koçi.

LEXONI GJITHASHTU: 

• Luftë e III Botërore? Koçi: Serbia burim i konflikteve në rajonin tonë
• Lajçak përgënjeshtron Vuçiçin: Nuk ka kornizë të re për dialogun
• Lajçak takim të papritur me Albin Kurtin në Prishtinë