Deklarata e Mitsotakis për 12 miljet, Idrizi: Shqipëria duhet të reagonte

Kryetari i Partisë Drejtësi, Integrim dhe Unitet, Shpëtim Idrizi, deklaroi se qeveria shqiptare duhet të mbante reagim krejt tjetër në lidhje me çështjen e detit, pasi kryeministri grek, Kyriakos Mitsotakis, deklaroi pak ditë më parë se Greqia do zgjerohej me 12 milje.

Në një intervistë për “Euronews Albania”, Idrizi u shpreh se kufijtë midis dy vendeve janë të përcaktuara dhe të dilimituara.

“Qeveria shqiptare duhet të mbante një qëndrim totalisht tjetër, sepse kufijtë detarë midis Shqipërisë dhe Greqisë janë të përcaktuara dhe të dilimituara. Këtë e thotë edhe vendimi i Gjykatës Kushtetuese. Greqia i ka përcaktuar kufijtë e vet detarë në vitin 1934. Nga viti 1934 deri më tani, nuk kemi pasur asnjë lloj problemi, nuk kemi dëgjuar ndonjëherë këtë histori. Si është e mundur që futet tani?

Sa i përket 12 miljeve, marrëveshja dhe konventa e Montegobeit parashikon në pikën 1 të saj, që çdo shtet ka të drejtë të deklarojë 12 miljet. Neni 15 thotë, aty ku është e mundur. Shqipëria nuk duhej të pranonte dhe duhej të reagonte që të mos zgjerohej”, theksoi ai.

LEXONI GJITHASHTU

• Idrizi: Denoncimet e fundit në SPAK, lojë për pushtet
• Kraja: Kemi hetime të rëndësishme për pastrim parash dhe korrupsion
• Halit Valteri dorëzon prova të reja në SPAK për kallëzimet ndaj Metës