Mbyllja e kolegjit turk, Likaj: Do ndjekim procedurat ligjore në gjykatë

Mirsad Likaj, Drejtor  i Çështjeve Juridike, të fondacionit “Gulistan”, theksoi se për mbylljen e kolegjit turk  “Mehmet Akif” nga Ministria e Arsimit, do të ndjekin të gjithë procedurat ligjore dhe se çështjen do ta çojnë në Gjykatë.

Në një intervistë për Euronews Albania, ai tha se nuk dinë asnjë arsye se përse është mbyllur kolegji, ndërsa i kanë kërkuar dhe një raport Ministrisë së Arsimit në lidhje me këtë vendim.

“Do duhet që Ministria e Arsimit t’i bënte publike këto shkelje ose ta dërgonte me shkresë zyrtare dhe të na thoshte se këto janë shkeljet tua prandaj e kemi  mbyllur. Nëse sot Ministrja e Arsimit do të paraqitej në ambientet e shkollës, do të bindej që ishte një veprim i nxituar.

Ne i kemi dërguar një shkresë Ministrisë së Arsimit, ku i kemi kërkuar të na vihen në dispozicion raporti i vlerësimit të zyrës vendore arsimore Tiranë, ku është marrë vendimi për mosmiratimin e kalimit të shkollës. Ne do ndjekim të gjitha rrugët ligjore, do i drejtohemi Gjykatës”- nënvizoi ai.

LEXONI GJITHASHTU: 

• Likaj: S’kemi pasur asnjë informacion zyrtar për mbylljen e kolegjit turk
• A u imponua mbyllja e kolegjit turk? Pollo: Vihet në dyshim orientimi europian