Berisha zotohet se diaspora do votojë në zgjedhjet e ardhshme

Kryetari i Partisë Demokratike në një komunikim online me qytetarët u zotua se do të bënte gjithçka që diaspora shqiptare të votonte në zgjedhjet e ardhshme. Sipas tij do të rritej dhe bashkëpunimi.

“Do krijojmë të gjitha mundësitë që diaspora të investojë në Shqipëri, të angazhohet në institucionet administrative, zyrtare politike të vendit,” – u shpreh Berisha.

Kryedemokrati tha se partia që ai drejton e konsideron diasporën një faktor madhor për një Shqipëri të zhvilluar me një të ardhme të sigurt.

“Do bëjmë gjithçka për një shkrirje, për një bashkëpunim sa më të ngushtë në të gjitha format dhe aspektet me diasporën shqiptare. Pra ne e konsiderojmë diasporën një faktor madhor për një Shqipëri të zhvilluar, për një Shqipëri me të ardhme të sigurt,” – u shpreh Berisha.

LEXONI GJITHASHTU:

• Berisha: Protestat e gjithëanshme, rruga për të shpëtuar Shqipërinë
• Financimet ruse, Berisha: Basha më tha se ishin fonde nga diaspora, e besova
• Berisha tregon çështjen për të cilën ndërkombëtarët po hetojnë Ramën | 5 zhvillime