Regjistrimet në universitete, drejtori i rrjetit akademik shqiptar tregon detajet

Arjan Xhelaj, drejtor i rrjetit akademik shqiptar, ka dhënë detaje në lidhje me ecurinë e regjistrimeve të maturantëve në Universitete, ku tashmë ka përfunduar faza e parë e regjistrimeve dhe faza e dytë e aplikimeve.

Në një intervistë për Euronews Albania, Xhelaj theksoi se në 15 degë janë ezauruar të gjithë kuotat.

“Sapo është zhvilluar faza e dytë e aplikimeve. Është përfunduar faza e parë e regjistrimeve ku  patëm një ecuri të mirë. Në fazën e dytë aplikuan rreth 6 mijë maturantë. Kemi pasur më shumë vitin e kaluar. Kemi pasur 4 mijë ri-aplikime. Numri i madh është mbi 2 mijë maturantë dhe besohet se do të ketë dhe një numër regjistrimesh dhe nga Republika e Kosovës.

Janë 15 degë që i kanë ezauruar komplet kuotat që në raundin e parë.  Mjekësia këtë vit pati dhe 100 kuota shtesë dhe e ezauruan sërish brenda 5 ditëve të para. Ecuri shumë të mirë pati stomatologjia dhe farmacia. Ecuri shumë të mirë ka pasur edhe tek inxhinieria e ndërtimit dhe tek arkitektura”- tha ai.

Më tej ai theksoi se në rrethe ka pasur një ecuri shumë të mirë infermieria dhe mamia, ku kuotat pothuajse janë ezauruar.

LEXONI GJITHASHTU: 

• Policia: 4 zyrtarë të Universitetit Bujqësor u arrestuan për abuzime me tenderët
• Regjistrimet në universitete, e para inxhinieria, 5950 maturantë nuk fituan