“Të dalim me një kandidat të vetëm”, Shehi tregon formulën që bashkon opozitën

Kryetari i Lëvizjes për Zhvillim Kombëtar, Dashamir Shehi, ka treguar formulën që i ka propozuar PD-së për bashkimin e opozitës.

Në një intervistë për Euronews Albania, Shehi u shpreh se janë dy elementë që ndihmojnë në bashkimin e opozitës, lufta kundër Edi Ramës dhe dalja me një kandidat në zgjedhjet lokale të vitit 2023.

“Jo me thënë të drejtën nuk ndjehem i përfshirë në aksionin opozitar. S’kam asnjë lloj entuziazmi.  Unë pres që këto ditë të ndodhë një formulë bashkëpunimi. Unë për vete së bashku me disa kolegë të tjerë, i kemi propozuar PD një formulë. Dy elementë na bashkojnë, lufta ndaj kësaj qeverie, lufta kundër Edi Ramës dhe të zgjedhim një kandidat të përbashkët në zgjedhjet lokale. Unë them të vendosëm një emërues  mbi të cilën të qëndrojnë të gjithë partitë. Unë them se kjo është e mjaftueshme nëse duam të luftojmë Ramën”- theksoi Shehi.

LEXONI GJITHASHTU: 

• Dashamir Shehi: Qeveria nuk e do Evropën dhe rregullat e saj
• A do të kandidojë për Bashkinë e Tiranës? Përgjigjet Dashamir Shehi