Kuba voton për legalizimin e martesës së të njëjtit seks

Kuba ka votuar për legalizimin e martesës së të njëjtit seks në një referendum kombëtar.

Rreth dy të tretat e popullsisë votuan për të miratuar reformat në një Kod të ri të Familjes, i cili do të lejojë gjithashtu shtatzënitë zëvendësuese dhe do t’u japë çifteve homoseksualë të drejtën për të birësuar fëmijë, shkruan BBC.

Ky shënon një moment të madh për Kubën, që persekutoi dhe dërgoi në kampe pune homoseksualët në vitet 1960 dhe ‘70.

Megjithatë, ka pasur kundërshtim të konsiderueshëm ndaj reformave midis grupeve fetare dhe konservatorëve.

Referendumi i së dielës ishte për një Kod të ri të Familjes – një dokument 100 faqesh i cili kaloi në më shumë se dy duzina drafte dhe orë debati në takime në nivel komuniteti.

Qeveria e Kubës kishte mbështetur ndryshimin e ligjit dhe zhvilloi një fushatë mbarëkombëtare duke u kërkuar njerëzve ta miratonin atë.

LEXONI GJITHASHTU:

• Kuba synon të imunizojë popullsinë brenda vitit, vaksina e saj kalon me sukses në fazën e dytë
• San Marino, vendi i parë në botë me presidentin homoseksual