Gianni de Biasi: Do doja të kisha në skuadër disa nga lojtarët që i ka Reja

Ish-trajneri i Kombëtares Shqiptare, Gianni de Biasi, thotë se ka disa futbollistë nga skuadra aktuale e drejtuar nga Edoardo Reja, të cilët do donte t’i kishte në ekip kur ishte vetë drejtues.

Në një intervistë për “Euronews Albania”, de Biasi u shpreh se përderisa kombëtarja u kualifikua në Euro 2016, skuadra e drejtuar prej tij është më e mirë.

“Meqënëse lojtarët e mi bënë diçka të jashtëzakonshme, mendoj se ata janë më të mirët. Por edhe në skuadrën e Edit ka më shumë se një lojtar, që do doja ta kisha në skuadrën e mëparshme apo në skuadrën që po stërvis tani. Mua më intereson që lojtarët të kenë një zemër të madhe, të kenë dëshirë ta shprehin atë në fushë kur veshin fanelën kuqezi. Kjo është e rëndësishme’, theksoi ai.

Mbrëmjen e sotme, Shqipëria do të përballet me Islandën në “Air Albania” për ndeshjen e fundit të Ligës së Kombeve.

LEXONI GJITHASHTU

• De Biasi tregon muzikën që futbollistët dëgjonin para se të dilnin në fushë
• Dështimi në Ligën e Kombeve, Shqipëria me sulmin më të dobët
• Sonte luhet Shqipëri-Izrael, trajneri Reja i beson sulmin Brojës dhe Uzunit