Meta: Rama mashtron për çmimin e energjisë, po mbifaturohen qytetarët

Kryetari i Partisë së Lirisë, Ilir Meta, i ka cilësuar si mashtrime deklaratat e kryeminisrit Edi Rama, se nuk do të preket çmimi i energjisë elektrike për familjarët dhe bizneset e vogla.

Në një deklaratë për mediat, Meta u shpreh se konsumatorët shqiptarë po mbifaturohen.

“Sapo dëgjuam gënjeshtrat që nuk do preken konsumatorët familjarë nga rritja më e fundit arbitrare e çmimit nga ERE, nën diktatin e plotë të qeverisë. Kanë nisur denoncimet e mjaft qytetarëve që janë mbi faturuar, ose që u është faturar energji ndërkohë që nuk kanë qenë në shtëpi gjatë muajve të fundit.

Kishim paralajmëruar që ata duhet të rrisin shumë vigjilencën që të mos vidhen e mbifaturohen nga punonjësit e papërgjegjshëm të OSHEE. Kjo situatë e pajustifikuar në themel të saj ka dështimet e qeverisë dhe kryeministrit aktual që pas 10 vitesh kërkon të shpëtojë, kriza e keqqeverisjes së tij thellohet në kurriz të qytetarëve të thjeshtë të pambrojtur”, theksoi Meta.

LEXONI GJITHASHTU

• Rritja e çmimit të energjisë, Meta: ERE të thirret në seancë dëgjimore
• ‘Ke kompani ndërtimi’, Balliu-Xhafajt: Tërhiqem nga politika nëse rezulton e vërtetë
• Rreth 1 orë në SPAK, çfarë tha ish-ministri Genc Ruli për çështjen ‘Partizani’