Financimet ruse në PD, Bumçi: Nuk ka hetim apo vendim për këtë çështje

Anëtari i Komisionit të Auditit në PD, Aldo Bumçi u shpreh në një intervistë për Euronews Albania se nuk ka një hetim apo vendim që në Partinë Demokratike ka pasur financim rus.

“Auditi është demonstrim i vullnetit të qartë politik, që kjo forcë nuk ka asgjë për të fshehur. Është ndër forcat pro-perëndimore që ekzistojnë. Auditi është shenjë e këtij vullneti. Kjo forcë nuk ka lidhje me ketë histori, nuk ka gjurmë. Ne do bëjmë transparencë aq sa të mundemi. Nëse kalojmë tek qëndrimet politike, kjo forcë politike ka mbajtur qëndrime me kosto, duke penguar projekte serbo-ruse. Nuk ka deri më sot asnjë hetim, vendim që të thotë që janë para ruse. Ka një artikull të një gazete. Flitet për një dyshim”, u shpreh Bumçi.

Ai shtoi se në periudhën që akuzohet se në PD ka pasur financime ruse, vendi ka qenë i mbuluar nga droga.

“Në 2017 dhe 2018 kishim një Shqipëri të mbuluar me drogë, dolën dosjet për zgjedhjet, ministri i brendshëm akuzohej për trafik droge”, u shpreh Bumçi.

LEXONI GJITHASHTU:

• A u takua me Tom Doshin në Kryeministri? Flet Edi Rama
• Amnistia fiskale, Rama i vendosur: Do bëhet, paratë e shqiptarëve do legalizohen