Doktor Andi Çabeli: Sëmundjet e zemrës, shkaku i parë i vdekshmërisë

Kardiologu Andi Çabeli, është shprehur se sëmundjet kardiovaskulare janë shkaku i parë i vdekshmërisë.

I ftuar në emisionin “Good Morning Albanians “, në  Euronews Albania, Çabeli theksoi se shqiptarët janë sensibilizuar dhe sipas tij, tashmë qytetarët vizitohen edhe nëse nuk kanë ndonjë problem shëndetësor.

“Sëmundjet kardiovaskulare janë shkaku i parë i vdekshmërisë. Shqiptarët janë sensibilizuar. Ka plot shqiptarë që vijnë për t’u vizituar. Kjo është një gjë e mirë për të informuar qytetarët se me çfarë risku përballen, në rast se nuk kontrollohen. Kjo na ndihmon dhe ne mjekëve që të trajtojmë sëmundjen në fazën fillestare”, tha ai.

Dita Botërore e Zemrës mbahet në nivel global çdo vit më 29 shtator, me qëllimin kryesor  ndërgjegjësimin, informimin dhe edukimin e njerëzve lidhur me sëmundjet kardiovaskulare (SKV).

Dita Botërore e Zemrës, gjithashtu, synon të promovojë masa parandaluese që zvogëlojnë rrezikun e sëmundjeve kardiovaskulare.

LEXONI GJITHASHTU: 

• Vajza e ish-presidentit iranian arrestohet për ‘nxitje të rebelëve’
• Edlira Çepani: Ja çfarë ndodhi pas vitit 2018 me largimin e shqiptarëve