Kushtet e aleatëve, Mediu: PD duhet të konsolidojë marrëdhënien brenda vetes

Kryetari i Partisë Republikane Fatmir Mediu thotë se PD duhet të zgjidhë në radhë të parë mosmarrëveshjet mes vetes përpara se të shkojë në zgjedhjet lokale.

Në një intervistë për Euronews Albania Mediu tha se ende nuk një diskutim institucional lidhur me kandidatët e opozitës për zgjedhjet për bashkitë.

Ai tha se fronti opozitar duhet të shtrihet përtej partive parlamentare për të unifikuar sa më shumë votave në këto zgjedhje.

“Nuk ka një diskutim institucional, ka nevojë për një mirëkuptim brenda PD, nëse janë ndarë në pozicione personale deri tani, këtu flitet çfarë është bashkia, që është interes i qytetarëve. Mendoj që PD duhet të vlerësojë të gjithë propozimet dhe ato duhet të debatohen për të gjetur zgjidhjen më të mirë”, tha Mediu.

LEXONI GJITHASHTU:

• ‘Në makinë me Mediun si miq’, Balla: E kam kundërshtar politik
• Sulmet kibernetike, Mediu: Të krijohet Agjencia e Sigurisë, partitë të reflektojnë