‘Duhet vendim për statusin’, PD: Apeli të nxjerrë sa më shpejt shkresën zyrtare

4 deputetë të Partisë Demokratike shkuan të martën në Gjykatën e Apelit ku kërkuan të dinë çfarë po ndodh me vendimin për statutin e PD.

Që prej muajit mars kur Gjykata e Shkallës së parë njohu statusin e dalë nga kongresi i Berishës dhe u apelua nga Enkelejd Alibeaj cështja ka mbetur pezull pasi nuk ka një vendim të Apelit se cilit nga statutet do të mbetet në fuqi, ai i Berishës apo ai i Bashës.

Deputetët Dashnor Sula, Andia Ulliri, Sajmir Korreshi, Arbi Agalliu dhe përfaqësuesi ligjor Indrit Sefa kanë dorëzuar një shkresë zyrtare ku kërkojnë që gjykata të zhbllokojë këtë çështje që kërkon pak kohë, por zgjidh një problematikë shumë të madhe të partisë më të madhe të opozitës e cila në prag të zgjedhjeve është e paorganizuar.

“Ne nuk morën asnjë informacion. Morëm informacion që nuk është planifikuar fare për gjykim. Korreshi do paraqesë dhe një shkresë që kemi kërkuar përshpejtimin e gjykimit. Ne na intereson gjykimi përfundimtar dhe marrja e një vendim final për të bërë të mundur një pikënisje të përbashkët. Nëse do caktohet Rithemelimi, ne do jemi pjesë e Partisë Demokratike siç jemi sot pjesë e Partisë Demokratike. Jemi për daljen me kandidatë të përbashkët në zgjedhjet e vitit 2023”, tha deputeti Sula.

LEXONI GJITHASHTU:

• Roland Bejko: Statuti i PD, mjet për çdo kryetar për të arritur qëllimet
• Caktimi i gjyqtares për statutin e PD-së, reagon ish-kryeministri Berisha