Ministria e Mbrojtjes kërkon 7 specialistë në fushën e mbrojtjes kibernetike

Forcat e Armatosura po ngrenë një strukturë ekselente për Mbrojtjen Kibernetike.

Deri në 18 tetor keni mundësi të aplikoni nëse jeni specialist në këtë fushë. Ministria e Mbrojtjes kërkon 7 të tillë.

“Njësia Ushtarake e Sigurisë Kibernetike ofron 7 vende për specialistë, të cilët përveç pagës konkurruese do të trajtohen edhe me një bonus të veçantë mbi pagë, që varion nga 400 deri në 1 milion shtesë,” – thuhet në njoftim.

Gjithashtu do të kenë mundësi kualifikimi në qendrat e ekselencës së NATO-s dhe akses në programet e Masterit për Siguri Kibernetike në Akademinë e FA etj.

FBI dhe Agjencia e Sigurisë Kibernetike dhe Sigurisë së Infrastrukturës (CISA) kanë publikuar një raport të përbashkët për sulmet kibernetike ndaj Shqipërisë.

Në raport thuhet se qeveria iraniane, e identifikuar me ‘Homeland Justice’, nisi sulmin në korrik të 2022 kundër portaleve qeveritare shqiptare, duke bllokuar përkohësisht shërbimet online.

Një sulm kibernetik u shënua më 15 korrik të këtij viti, i cili bllokoi të gjitha faqet zyrtare shtetërore dhe platformën e shërbimeve online e-Albania.

Ndërkohë, më 14 shtator u sulmua sistemi TIMS në të gjitha pikat kufitare të vendit. Për këto sulme Shqipëria ka fajësuar Iranin dhe ka ndërprerë marrëdhëniet diplomatike me këtë shtet.

LEXONI GJITHASHTU:

• Ministria e Mbrojtjes: Vetëm uzina e Mjekësit në funksion për demontim
• Ministria e Jashtme tregon pse i ndaloi hyrjen në Kosovë Petkoviçit
• Ministria e Jashtme shqiptare: Dënojmë referendumet e rreme të organizuara nga Rusia