Hungaria i bën thirrje BE të vazhdojë dialogun me Bjellorusinë

Hungaria i ka bërë thirrje Bashkimit Europian që të vazhdojnë dialogun me Bjellorusinë dhe të mos “djegin urën lidhëse” me vendin e Europës Lindore.

Ka qenë ministri i Jashtëm i Hungarisë, Peter Szijjarto, i cili e bëri këtë deklaratë gjatë së enjtes, në mes të protestave të dhunshme që vijuan pasi Presidenti Alexander Lukashenko fitoi sërish zgjedhjet.

“Jemi të interesuar në vendimet e BE në bazë të dialogut që nuk e bën të pamundur ndërtimin e marrëdhënieve të ardhshme midis Bjellorusisë dhe Bashkimit Europian, e as të refuzojë programin e Partnershipit Lindor”, tha Szijjarto në Facebook.

Programi i Partnershipit Lindor nisi në 2009, për të sjellë Armeninë, Azerbajxhanin, Bjellorusinë, Gjeorgjinë, Moldavinë dhe Ukrainën më pranë BE-së, por pa një ofertë të qartë për anëtarësim në të ardhmen.

Presidentët e BE thirrje për ndërhyrje

Të paktën 2 protestues kanë vdekur dhe mbi 6,700 janë arrestuar që nga 9 gushti, pas fitores së Lukashenkos me rreth 80 për qind të votave.

Ministrat e Jashtëm të BE kanë planifikuar një video konferencë për të diskutuar ngjarjet e dhunshme.

Shefi i politikave të jashtme të BE, Josep Borrel, sugjeroi vënien e sanksioneve kundër “atyre që kanë ushtruar dhunë, që kanë kryer arrestime të pajustifikueshme dhe falsifikim të rezultatit zgjedhor”.

Vendet e BE bën thirrje për qetësimin e situatës dhe t’i jepet fund përdorimit të dhunës, si dhe për lirimin e protestuesve.

BE mund të ndërmarrë masa ndëshkuese kundër Bjellorusisë vetëm me vendim unanim të 27 vendeve anëtare.

Lexoni gjithashtu:

Të drejtat e njeriut, OKB fshikullon regjimin e Lukhashenkos për dhunën policore

Nata e katërt e protestave, 700 të arrestuar dhe 2 të vdekur në Bjellorusi

Borrell: Zgjedhjet në Bjellorusi “nuk ishin as të lira e as të drejta”