Kurti: Qeveria dhe populli i Kosovës besojnë në Bashkimin Evropian

Kryeministri Albin Kurti, deklaroi mbrëmjen e së enjtes se Qeveria dhe populli i Kosovës besojnë në Bashkimin Evropian, por edhe BE duhet të zgjerohet.

“Qeveria dhe populli i Kosovës besojnë në BE dhe ne mendojmë se BE-ja duhet të ketë ambicie të mëdha për Ballkanin Perëndimor dhe për vete. BE-ja duhet të përparojë, ne të gjithë duhet të mbrojmë BE-në dhe BE-ja duhet të zgjerohet”, deklaroi Kurti.

Sa i takon sigurisë, ai tha se Rusia përmes aleatit të saj në Ballkanin Perëndimor, Serbisë, ka shtuar përpjekjet për të destabilizuar situatën e sigurisë në vend.

“Në vazhdën e invazionit të paligjshëm të Ukrainës nga Federata Ruse këtë vit, Rusia ka shtuar përpjekjet e saj për të destabilizuar situatën e sigurisë në Kosovë, veçanërisht në bashkëpunim me Serbinë, aleatin e saj të ngushtë në Ballkanin Perëndimor. Qeveria jonë është përgjigjur në përputhje me rrethanat duke intensifikuar bashkëpunimin tonë me NATO-n, BE-në, SHBA-në, Britaninë e Madhe dhe aleatët kryesorë evropianë. Gjithashtu kemi dyfishuar fondet për Forcën e Sigurisë së Kosovës”, tha Kurti.

Qëllimi i vizitës së këtij delegacioni në Kosovë, u tha se ka të bëjë me vlerësimin e punës së Misionit të EULEX-it në Kosovë dhe të kuptojë më thellë situatën e sundimit të ligjit dhe të sigurisë në terren, shkruan KosovaPress.

LEXONI GJITHASHTU:

• ‘Nata Kolonjare në Prishtinë’, gatimet që do konsumojë Albin Kurti në darkë
• Kurti fton shqiptarët që jetojnë në Serbi t’i përgjigjen regjistrimit të popullsisë
• Kurti tregon 4 arsye që e bëjnë të imagjinueshëm një konflikt me Serbinë