Berisha: Qeveria e bazuar në skandale, dora e saj u shtri edhe mbi opozitën

Kryetari i Partisë Demokratike, Sali Berisha deklaroi se qeveria e kryeministrit Edi Rama është e bazuar në skandale.

Gjatë fjalës së tij në konferencën e organizuar në kuadër të zgjedhjeve vendore, Berisha u shpreh se si asnjëherë më parë në këto 30 vite, dora e qeverisë u shtri mbi opozitën.

“Jemi në mandatin e tretë në opozitë dhe kjo absolutisht jo për merita të qeverisë, por për dobësinë e opozitës, sepse ne këtu kemi pasur dhe kemi një qeveri që mund të përmblidhet me dy fjalë: “Scandal based government.” Qeveri e bazuar në skandale”. Ky udhëtim i opozitës në këto vite ka qenë udhëtim topitës, në një mënyrë ose tjetër për fatin më të keq si asnjëherë në këto 30 vite, dora e Qeverisë u shtri mbi opozitën.

Dhe tek shqiptarët u krijua përshtypja se Edi Rama është i pamundshëm, nuk mund të mundet dhe opozita si të thuash, i bën fresk atij. Në këtë kontekst, PD ndodhej para alternativës “To be or not to be” – Të ekzistonte apo të shkrihej. Por unë mendoja dhe mendoj se duhet të ekzistonte, sepse mbi 620 mijë shqiptarë e votuan në zgjedhjet e fundit. Por ajo që duhet të ekzistonte, duhej të ndryshonte në mënyrë rrënjësore, të paraqitet para shqiptarëve një parti tërësisht e ndryshuar përndryshe ata nuk kanë asnjë arsye të na besojnë ne”, theksoi Berisha.

LEXONI GJITHASHTU

• Berisha: Në PD ka ndryshime pozitive, por nuk mjaftojnë për të fituar zgjedhjet
• “Të rinjtë në ballë të protestave”, Berisha: Ka ardhur koha t’i dilni zot vendit
• Berisha akuza qeverisë: Shqiptarët po largohen nga vendi, shkak varfëria