PD kërkon që të mblidhet Këshilli i Rregullores për mandatin e Xhaçkës

Partia Demokratike kërkon që të mblidhet sa më parë Këshill i Rregullores së Mandateve dhe Imunitetit për mandatin e deputetes dhe ministres Olta Xhaçka, me qëllim prezantimin e raportit përfundimtar në seancë plenare.

Këshilli i mandateve votoi unanimisht më 16 shtator, për shtyrjen me dy javë hartimin e raportit final për ministren e Jashtme Olta Xhaçka.

Pas kërkesës së PD-së për heqjen e mandatit të Xhaçkës, deputetja e PS, Klotilda Bushka kërkoi dy javë kohë për të bashkërenditur kërkesat e Partisë Demokratike.

PD akuzon ministren Xhaçka se është në konflikt interesi sa i takon një vendimi të Këshillit të Ministrave, dhe kërkon heqjen e mandatit të saj.

Opozita pretendon se bashkëshorti i saj qëndron pas një kompanie që do të ndërtojë një resort turistik në bregdetin e Himarës nën cilësinë e investitorit strategjik.

Këto akuza janë hedhur poshtë nga vetë ministrja.

LEXONI GJITHASHTU:

• Mandati i Olta Xhaçkës, Këshilli i Mandateve mblidhet sërish pas dy javësh
• Të premten diskutohet heqja e mandatit të Olta Xhaçkës