Petkoviç: Anëtarësimi i Kosovës në OKB i papranueshëm, presioni do rritet 

Drejtori i Zyrës për Kosovën, Petar Petkoviç, deklaroi se anëtarësimi i Kosovës në Kombet e Bashkuara është i papranueshëm për Serbinë.

Në një intervistë televizive, Petkoviç u shpreh se Serbia po përballet me një luftë të ashpër, ndërsa shtoi se presioni do të rritet, shkruan Euronews Serbia.

Petkoviç tha se presidenti Vuçiç parashikoi saktë se presioni ndaj Serbisë do të rritet, duke shtuar se për Serbinë është edhe më e vështirë sepse Perëndimi, po ashtu edhe Vladimir Putin, përdorin Kosovën si argument kur thoshin pse Kosova duhet të shkëputet.

“Në atë situatë, Perëndimi tani do t’ia hiqte atë lloj argumenti Putinit dhe do t’ia bënte më të lehtë vetes, dhe do ta detyronte Serbinë të njohë Kosovën dhe argumentet e tyre në lidhje me Putinin do të ishin të sakta”, shpjegoi Petkoviç.

Petkoviç tha se pavarësisht nga ashpërsia e problemit, Serbia duhet të luftojë me mençuri dhe të ruajë paqen dhe stabilitetin.

LEXONI GJITHASHTU:

• ‘Kosova në OKB, Serbia në BE’, Vuçiç tregon propozimin e Francës dhe Gjermanisë
• Vuçiç: Muajin tjetër nis procesi i pranimit të Kosovës në Këshillin e Europës