I ngacmuan vajzën në Instagram, si ndodhi ngjarja me 3 të vdekur në Klos

Detaje të reja kanë dalë nga ngjarja me 3 vdekur në Klos, që ndodhi një ditë më parë.

Gazetarja Raziela Myslimaj raportoi nga Klosi, se ngacmimi në Instagram i vajzës së Fiqiri Mjeshtrit ka qenë shkaku i ngjarjes së rëndë.

Pak minuta para ngjarjes së rëndë, autori Fiqiri Mjeshtri së bashku me dy vëllezërit e tij u takuan përpara një lokali me Ilir Shirën, Kenado Shirën, Danjel Hasulën dhe Eglantin Hasulën.

Të 7 personat debatuan me njëri-tjetrin për pak minuta në lokal dhe më pas autori nxorri armën dhe qëlloi në drejtim të Ilir Shirës, Kenado Shirës, Danjel Hasulës dhe Eglantin Hasulës.

Nga breshëria e plumbave mbeti i vrarë Ilir dhe Kenado Shira, ndërsa të plagosur Danjel dhe Eglantin Hasula.

Autori u largua nga vendi i ngjarjes bashkë me dy vëllezërit e tij dhe më pas u gjet i vetëvrarë në banesën e tij, në fshatin Dars.

Dy vëllezërit e Mjeshtrit janë arrestuar nga Policia.

LEXONI GJITHASHTU:

• Vrasja në Klos, PD: Policia në dijeni të konfliktit, nuk mori asnjë masë
• Vetëvritet autori; 3 viktima dhe 2 të plagosur, bilanci i masakrës në Klos
• Rëndohet bilanci në Klos, ndërron jetë edhe babai i 17-vjeçarit