Bumçi: Raporti i BE-së kambanë alarmi, shqiptarët të ngrihen në protesta

Anëtari i Kryesisë së Partisë Demokratike, Aldo Bumçi deklaroi se raporti i Bashkimit Europian për Shqipërinë është një kambanë e fortë alarmi dhe sinjal rreziku.

Në një deklaratë për mediat nga selia blu, Bumçi u shpreh se shqetësim kryesor i Brukselit mbetet lufta kundër korrupsionit sistemik dhe veçanërisht korrupsionit në nivel të lartë.

Bumçi u bëri thirrje shqiptarëve që të ngrihen në protesta.

“Raporti i Bashkimit Europian për Shqipërinë është një kambanë e fortë alarmi dhe sinjal rreziku. Një listë e gjatë shkeljesh, kriteresh të paplotësuara dhe punësh të pabëra, apo të bëra keq, e kthejnë Ramën dhe administratën e tij në poster të keq-qeverisjes. Shqetësim kryesor i Brukselit mbetet lufta kundër korrupsionit sistemik dhe veçanërisht korrupsionit në nivel të lartë.

Duke qenë se lista është e gjatë, ne do të shmangim komentet, duke publikuar vetëm qortimet kryesore të BE dhe duke kujtuar se në raport gjenden të gjitha shqetësimet që ka ngritur vazhdimisht opozita. Shqetësimi thelbësor i PD për shpopullimin shfaqet në raport, siç gjenden aty edhe kritikat tona të forta për amnistinë fiskale dhe “pasaportat e arta”. Kritika që lidhet me eksodin shqiptar, Partinë demokratike, si forca e liberalizimit të vizave, e shqetëson veçanërisht, sepse ka të bëjë me mundësinë të rikthimit të vizave për shqiptarët”, theksoi ai.

LEXONI GJITHASHTU

• Fjala e Ramës në KiE, PD: Turpëroi Shqipërinë dhe dëmtoi Kosovën
• Përfaqësues të KiE munguan në darkë, Rama: Fjalimi u ra si rrufe në qiell të hapur
• Rama-KiE-së: Rrëzoni akuzat ndaj Kosovës, pranoni propozimin tonë për rihetim