Debat në Kuvend, Zhupa sulmon Kumbaron: Pas ‘Himarës’ duhet të jepje dorëheqjen

Debati kryesor në seancën e Kuvendit këtë të enjte u fokusua tek turizmi.

Gjatë interpelancës me ministren e Turizmit, deputetja demokrate Ina Zhupa foli për një sezon turistik jo të suksesshëm, duke theksuar edhe ngjarjen e rëndë të Himarës ku humbi jetën një 7-vjeçare.

Sipas Zhupës pas asaj ngjarje, Kumbaro ka përgjegjësi dhe duhet të kishte dhënë dorëheqjen.

Ministrja u përgjigj duke vënë theksin të cilësia që iu është ofruar turistëve këtë vit.

Por deputetja demokrate u shpreh se nuk mund të flitet për cilësi shërbimi ndaj turistëve në një kohë që Shqipëria nuk kishte asnjë plazh të certifikuar ndërkombëtarisht për sezonin e këtij viti.

Edhe në këtë pikë, ministrja tha se tashmë ka nisur përgatitja për sezonin e ardhshëm turistik dhe shumë shpejt do të fillojë ndarja e parcelave të plazheve.

Sipas INSTAT, deri në muaj gusht Shqipërinë e vizituan 5.6 milionë shtetas të huaj, me një rritje prej 30% më shumë se vitin e shkuar.

LEXONI GJITHASHTU:

• Tragjedia në Himarë, ministrja Kumbaro: Një i papërgjegjshëm i mori jetën 7-vjeçares
• Tragjedia në Himarë, Kumbaro: Policia të jetë në lartësinë që i imponon uniforma