Zaev asnjë hap pas: Ndryshimi i modelit zgjedhor nuk i shtyn zgjedhjet

Kryeministri i Maqedonisë së Veriut, Zoran Zaev rikonfirmoi se zgjedhjet në vend do të mbahen në datën e paracaktuar, më 12 prill, pavarësisht nëse arrihet apo jo ndryshimi në reformën zgjedhore.

I pyetur nga gazetarët nëse do ta presë VMRO/DPMNE-në dhe BDI-në që të reflektojnë dhe pranojnë idenë për një njësi zgjedhore, kryeministri maqedonas u bëri thirrje dy partive që të bëhen pjesë e debatit. Zaev tha më tej së modeli i një njësie zgjedhore do ta dëmtonte shumë partinë e tij në aspektin e numrave, por shtoi se ai është i gatshëm për sakrificë për hir të demokracisë.

“Nuk ka arsye për shtyrje. Edhe kryetari i Komisionit Shtetëror të Zgjedhjeve tha se janë të gatshëm. Ne e dimë se si parti e parë do të humbim shumë, por do të fitojnë partitë më të vogla, bashkësitë më të vogla etnike. Ky është një hap tjetër drejt demokratizimit” , – deklaroi Zaev.