Gjylameti: Kush i ka votuar, s’do një opozitë që merret me veten, por me qeverinë

Deputetja e Partisë Socialiste Blerina Gjylameti thotë se mazhoranca bashkëpunon vetëm me opozitën zyrtare në Parlament.

Në një intervistë për Euronews Albania, Gjylameti u shpreh e keqardhur për krizën brenda opozitës, e cila siç tha duke u marrë me veten, po humb funksioni për të cilin duhet të ekzistojë.

“Shpresoja për një zgjidhje më të shpejtë se ajo që kemi, dhe qytetarët që kanë votuar për ata duan të shohin një opozitë që nuk merret me veten, por i kërkon llogari qeverisë”, tha Gjylameti.

Teksa iu referua ligjit për amnistinë fiskale, Gjylameti tha se ajo është një nga elementet për të cilat mazhoranca ka diskutuar rregullisht me opozitë.

Deputetja e PS bëri thirrje për lënien mënjanë të ndasive politike kur flitet për ligje të tilla që u shërbejnë të gjithëve dhe ndihmon në formalizimin e ekonomisë.

LEXONI GJITHASHTU:

• Bashkitë që zhgënjyen PS, Gjylameti: Takime në terren për më të mirin
• Hoxha: Opozita s’do e marrë Bashkinë Tiranë pavarësisht pakënaqësive ndaj Veliajt