SHBA-ja paralajmëron sanksione pas sulmeve me dronë iranianë në Kiev

Shtetet e Bashkuara paralajmëruan se do të ndërmarrin veprime kundër kompanive dhe shteteve që punojnë me Iranin në programin e tij të dronëve.

Kjo, pasi Rusia përdori dronë nga Irani për të kryer sulme kamikaze në Kiev, raporton Radio Evropa e Lirë.

“Kushdo që bën biznes me Iranin, që mund të ketë çfarëdo lidhje me zhvillimin e dronëve, të raketave balistike apo të shitjes së armëve nga Irani në Rusi, duhet të ketë kujdes për veprimet e tyre. SHBA-ja nuk do të hezitojë të vendosë sanksione apo të ndërmarrë veprime ndaj keqbërësve”, tha më 17 tetor zëdhënësi i Departamentit amerikan të Shtetit, Vedant Patel.

“Rusia po varet nga aleanca me Iranin dhe është diçka që e gjithë bota – veçanërisht ata në rajon – duhet ta shohin si një kërcënim të madh”, shtoi ai.

Zyrtarët amerikanë më herët kanë deklaruar se Rusia – një eksportuese e madhe e armëve – po kthen sytë nga Koreja e Veriut për të blerë armë, ndërkaq Kina ka refuzuar thirrjet për ndihmë.

LEXONI GJITHASHTU:

• BE vendos sanksione ndaj Iranit, reagim pas vrasjes së 22-vjeçares Mahsa Amini
• Avioni luftarak përplaset me ndërtesën shumëkatëshe në Rusi
• Bombardimet vrasin çiftin në Ukrainë, gruaja ishte shtatzënë