Pedagogët në rrethe të përçarë, pjesëmarrje e ulët në universitete

Ndryshe nga Tirana, ku në ditën e dytë të protestës kanë marrë pjesë më shumë pedagogë, në rrethe ka një tjetër panoramë.

Në Korçë, pjesëmarrja në protestë ka qenë shumë e ulët. Vetëm 20 pedagogë kanë bojkotuar mësimin.

“Këtu jemi ne tempullin e dijes dhe lirisë, dhe pedagogët e kanë në ndërgjegjen e tyre protestën, në qoftë se e ndiejnë do të vijnë dhe protestojnë. Nuk e di ku janë, shkoni në auditore dhe mund të japin mendimin e tyre”, thotë Alba Kreka, kryetare e Sindikatës së Pedagogëve në Korçë.

Pedagogët protestues ndihen të zhgënjyer nga kolegët që nuk i mbështesin.

“Si pedagog prej 12 vitesh ndihem i zhgënjyer në kuptimin e asaj që kur ka arritur dhe pedagogu të protestojë dhe ka frikë, e shikoj shumë zhgënjyese”, tha pedagogu Orion Ago.

Edhe në Durrës duket se protesta e pedagogëve është drejt shuarjes. Krahasuar me një ditë më parë, dita e dytë nuk bëri bashkë as 10 pedagogë.

Ndryshe janë organizuar pedagogët në Shkodër, të cilët janë mbledhur brenda universiteteve për të planifikuar lëvizjen e rradhës. Rreth 70% e pedagogëve jane gati të pershkallëzojnë protestën.

Ndërsa në Elbasan dhe Vlorë, bojkoti ka vijuar vetëm në pak fakultete, gjë që tregon përçarjen mes pedagogëve.

Sindikata e pedagogëve në mbarë vendin ka theksuar se deri në plotësimin e kerkësave të tyre, do të vijojë bojkoti, i cili me shumë se kujtdo, i rëndon studentëve.

LEXONI GJITHASHTU

• Pedagogët më të shumtë në ditën e dytë të protestës: Bojkot pa ndërprerje
• “Ka mbaruar koha kur rriten pagat se kërkojnë sindikatat”, Rama s’mbështet pedagogët
• “Pedagogët trajtohen si armiq”, Xhixho: Paratë të mos shkojnë për aferat korruptive