Lesi: Veliaj i ‘bluan’, kandidatët politikë të opozitës që janë në Tiranë

Gazetari Nikoll Lesi theksoi se Erion Veliaj nuk mund të mposhtet nga kandidatët politikë që mund të nxjerr opozita.

Në një intervistë për Euronews Albania, Lesi theksoi kryebashkiaku i Tiranës mund të përballohet vetëm nga një kandidat i shoqërisë civile.

“Berisha tha se kemi fituar me kandidat politikë, pra dha mesazhin se Ilir Alimehmeti nuk do të jetë kandidat në Tiranë. Një si ky që mund të dyzonte pjesën gri të votuesve, por çdo kandidat politik që vendoset nga opozita përballë Veliajt, ky i fundit e bluan e grin komplet absolutisht”- theksoi Lesi.

Sipas tij kandidatët politikë që janë në Tiranë, Belind Këlliçi, Gert Bogdani dhe Fatbardh Kadilli, Erion Veliaj i mund.

“Që të tre kandidatët politikë që janë në Tiranë, Erion Veliaj i bluan. Ai mund të përballohet vetëm nga një kandidat nga shoqëria civile. Edhe sikur Berisha me Metën të dalin bashkë në Tiranë, makineria gjigante e Erion Veliajt, e PS e Edi Ramës i gëlltit”- tha ai.

LEXONI GJITHASHTU: 

• Lesi: Meta ‘luan’ i nxjerr nga kafazi, po luan për këshillat bashkiakë
• “Partia i takon Berishës”, Lesi: Ndërkombëtarët po luajnë që ta marrë Alibeaj