Gratë e njohura presin flokët live, për herë të parë në një televizion në Shqipëri

19 Tetor 2022 | 08:41

Gratë në mbarë botën po bashkohen në protestë kundër qeverisë iraniane duke prerë flokët.

Nismës i janë bashkuar edhe gratë shqiptare. Mëngjesin e ditës së sotme, ish-ministrja Nora Malaj, doktoreshë Senera Hoxha dhe aktivistja e shoqërisë civile në Kosovë Mimoza Gavrani kanë prerë flokët live në emisionin “Good Morning Albanians” në Euronews Albania.

Ato u shprehën se rasti  i 22-vjeçares në Iran i ka sensibilizuar për të bërë një gjest simbolik në kuadër të asaj që quhet liria e paqes dhe e drejta e njeriut.

“Kjo ngjarje na ka sensibilizuar brenda vetes për të bërë një gjest simbolik në kuadër të asaj që quhet liria e paqes dhe e drejta e njeriut”- tha Nora Malaj.

“Duke parë një solidaritet si rrallë herë mes grash nga e gjithë bota, mendoj se duhet t’i bashkohesha edhe unë kësaj kauze për lirinë e grave që po vriten nga policia e moralit”- theksoi Senera Hoxha.

Teksa ka folur për rastin e vajzës në Iran, në një moment Nora Malaj është përlotur.

“Kauza nuk është vetëm e grave por edhe e shoqërisë, mendoj se roli i gruas është edhe i nënës e motrës; është një rol shumë i rëndësishëm në edukimin e familjes. Prehri i nënës është prehri i ngrohtë ku ti gjen zgjidhje në situata të vështira. Shoqëria është ende shumë larg asaj që ne duam të ndërtojmë.”- tha ajo.

Protestat nisën pas vdekjes së Mahsa Amini, e cili u arrestua dhe u dhunua për vdekje nga policia morale iraniane pasi kishte veshur keq hixhabin.

LEXONI GJITHASHTU:

 

Home Kryefaqja
Shiko në: YouTube
Lajme të Sugjeruara

“Keni kujdes”, njoftimi i Ministrisë së Jashtme për shqiptarët në Gjirin Persik

Menjëherë pas sulmeve ajrore të Iranit ndaj bazave në Katar dhe Irak, Ministria e Punëve të Jashtme ka dalë me një njoftim urgjent për shqiptarët...
20:34 | 23/06/2025

Eraldo Rexho: Pse ia kam lënë “seen” Arbana Osmanit

Gazetari i showbizit, Eraldo Rexha, është shprehur se në rrjetin social ‘Whatsapp’ ia ka lënë ‘seen’ moderatores Arbana Osmani. I ftuar në emisionin “Good Morning...
10:17 | 14/10/2022

Jonida Maliqi është e fiksuar për t’i rregulluar të gjitha fotot

Suada Daci dhe Eraldo Rexho, teksa kanë folur për tipet e njerëzve në rrjetin social ‘Whatsapp’, treguan dhe disa ‘sekrete’ për personazhet VIP. Të ftuar...
10:07 | 14/10/2022